TIRANË, 21 tetor /ATSH/ – Fëmijët nga të gjitha trojet shqiptare që jetojnë në Çeki, kanë mundësi të mësojnë gjuhën shqipe.
Në mjediset e Ambasadës shqiptare në Pragë u përurua fillimi i kursi i mësimit të gjuhës shqipe për fëmijët nga të gjitha trojet shqiptare.
Ambasadori i Shqipërisë në Republikën Çeke, Ilirian Kuka përshëndeti fëmijët nga Shqipëria, Kosova dhe Maqedonia, si dhe prindërit e tyre, që morën pjesë në ceremoni dhe nënvizoi rëndësinë e mësimit të gjuhës shqipe, si kontribut parësor në ruajtjen dhe promovimin e kulturës dhe zakoneve tona.
Ambasadori Kuka u shpërndau fëmijëve librat e mësimit të gjuhës shqipe të përgatitur dhe adaptuar për fëmijët e bashkëkombësve nga diaspora.
Ndër nxënësit e parë ishte edhe Eriona nga Tetova e cila i premtoi Ambasadorit që do të mësojë shume mire gjuhen shqipe dhe do te ndjeke në hapat e gjyshit te saj i cili ka qenë mësues i gjuhës shqipe në Maqedoninë e Veriut.
Ambasada Pragë mirëpret që fëmijë të tjerë nga të gjitha trojet shqiptare t’i bashkëngjiten grupit të formuar.
/gj.mima/ /a.g/
