BRUKSEL – Isabel Santos, kandidate për detyrën e raportueses së PE për Shqipërinë

BRUKSEL, 8 tetor /ATSH/ – Eurodeputetja portugeze, Isabel Santos është kandidatja për postin e Raportuesit për Shqipërinë në Parlamentin Europian, njoftoi sot europeanwesternbalkans.com.

Ndërkohë, për Malin e Zi u kandidua Tonino Picula. Të dy janë anëtarë të Aleancës Progresive të Socialistëve dhe Demokratëve (S&D).

Isabel Santos është anëtare aktive e delegacionit portugez në Asamblenë Parlamentare të OSBE-së.

Raportuesit e Parlamentit Evropian për vendet e Ballkanit Perëndimor janë përgjegjës për hartimin e raporteve vjetore të miratuara nga Komiteti i Punëve të Jashtme të PE, që diskutohen më pas në seancat plenare.

Gjatë mandatit të mëparshëm të PE, raportues për Malin e Zi ishte Charles Tannock nga Britania e Madhe dhe për Shqipërinë ishte Knut Fleckenstein nga Gjermania./ a.jor/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.