TIRANË, 1 tetor/ATSH/- Në ambientet e bashkisë Gramsh, u zhvillua sot takimi i radhës për hartimin e Planit Vendor për Menaxhimin e Mbetjeve në kuadër të projektit “Bashkitë e Forta”.
Në takim ishte edhe kryetari i bashkisë Gramsh, Klodian Taçe, i cili shprehu problematikat aktuale lidhur me mjedisin dhe mbetjet, si dhe renditi objektivat dhe planet e bashkisë në fushën e menaxhimit të mbetjeve.
Gjatë takimit u diskutuan sfidat e bashkisë Gramsh në këtë fushë dhe u dhanë disa sugjerime nga ekspertë të fushës.
Grupi i punës për hartimin e planit vendor për menaxhimin e mbetjeve po punon dhe shpresojmë ta finalizojmë planin brenda këtij viti. /k.s/r.e/
