LONDËR, 31 gusht /ATSH-AFP/ – Dhjetëra manifestime janë parashikuar sot në Britaninë e Madhe për të protestuar kundër vendimit të kryeministrit, Boris Johnson për të pezulluar Parlamentin pak ditë para përfundimit të afatit për Brexit, denoncuar si grusht shteti nga opozita.
Nga Londra në Aberdin (Skoci), duke kaluar nga Belfasti (Irlandë e Veriut) dhe Suonsi (Uells), 30 manifestime janë programuar me sloganet “Ndaloni grushtin e shtetit” dhe “Mbroni demokracinë” me kërkesë të organizatës kundër “Another Europe is Possible”.
Manifestimet më të mëdha janë parashikuar në mesditë, para rezidencës së kryeministrit, në 10 Downing Street.
Vendimi i konservatorit, Boris Johnson për pezullimin e Parlamentit duke nisur nga java e dytë e shtatorit dhe deri më 14 tetor, dy javë para Brexit, ka ngjallur një valë indinjate në Britaninë e Madhe.
“Objektivi i manifestimeve është të detyrojë qeverinë të ndryshojë drejtimin”, deklaroi Michael Chessum në emër të organizatorëve./ /ec/ a.jor.
