LONDËR, 27 gusht /ATSH-AFP/ – Kreu i Partisë Laburiste britanike, Jeremy Corbyn mblodhi sot shefat e tjerë të partive të opozitës në përpjekje për të gjetur një front të përbashkët kundër një Brexit-i të ashpër më 31 tetor, parashikuar nga kryeministri, Boris Johnson.
“Partia Laburiste, formacioni kryesor i opozitës do të bëjë gjithçka është e nevojshme për të penguar një dalje nga BE pa marrëveshje, nga e cila do të përfitonin vetëm të pasurit dhe spekulatorët”, deklaroi Jeremy Corbyn për të përditshmen “The Independent” para takimit, parashikuar në zyrën e tij në Parlamentin e Londrës.
Ai paralajmëroi gjithashtu kundër rreziqeve të një “no deal”-i të favorshëm për presidentin amerikan, Donald Trump i cili premtoi një marrëveshje të madhe tregtare të shpejtë pas daljes nga BE./
/ec/
