Konfirmohet në detyrë gjyqtarja e Apelit të Krimeve të Rënda

TIRANË, 5 prill /ATSH/ – Komisioni i Pavarur i Kualifikimit konfirmoi sot në detyrë, gjyqtaren e Gjykatës së Apelit të Krimeve të Rënda, Albana Boksi.

Trupa gjyqësore që kreu hetimin administrativ përbëhej nga komisionerët Pamela Qirko, Etleda Çiftja dhe Firdes Shuli.

Albana Boksi e ka filluar karrierën në Gjykatën e Rrethit Gjyqësor të Elbasanit.

Në datën 1 mars 2006, ajo është emëruar gjyqtare në Gjykatën e Apelit për Krime të Rënda në Tiranë.

/gj.mima/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.