TIRANË, 4 prill /ATSH/ – Studentë ekselentë nga Fakulteti i Drejtësisë kanë nisur punë në Ministrinë e Drejtësisë.
Kryeministri Edi Rama duke përshëndetur punësimin e tyre theksoi se kjo ka ardhur falë 9-ave dhe 10-ave që ata kanë arritur në studime.
“Më të mirët e Fakultetit të Drejtësisë, kanë nisur punë në ministri falë 9-ave dhe 10-ave të tyre”, theksoi Kryeministri Rama.
Studentët e ekselencës kontribuojnë në Ministrinë e Drejtësisë, për Kodifikimin, Rregullimin e Profesioneve të Lira dhe Politikat Antikorrupsion.
Këta studentët që janë punësuar në kuadër të “Paktit Për Universitetin” në Ministrinë e Drejtësisë zhvilluan një ditë më parë edhe një takim me ministren e Drejtësisë, Etilda Gjonaj ku diskutuan për rregullimin e profesioneve të lira dhe politikave antikorrupsion, si pjesë e punës dhe prioriteteve të Ministrisë së Drejtësisë.
Punësimi i studentëve ekselentë në administratën shtetërore përbën një premtim të mbajtur të qeverisë në kuadër të “Paktit për Universitetin”.
/gj.mima/
