PARIS, 25 mars /ATSH-AFP/ – Presidenti francez, Emmanuel Macron mbështeti sot në Paris përballë homologut të tij kinez, Xi Jinping një partneritet të fuqishëm euro-kinez, ndërkohë që Europa po përpiqet të gjejë një koherencë brenda saj përballë ambicieve diplomatike dhe ekonomike të Pekinit.
“Ky partneritet duhet kryesisht të ngrihet mbi një multilateralizëm të fuqishëm dhe një bashkëpunim ekonomik të ndershëm dhe të ekuilibruar”, theksoi presidenti francez para medias.
Nga ana tjetër presidenti francez, deklaroi se i ka shprehur homologut të tij kinez, Xi Jinping shqetësimet e Francës dhe Europës mbi respektimin e të drejtave të njeriut në Kinë. /G.S/
