TIRANË, 22 mars/ATSH-Maela Marini/ Ura në dalje të fshatit Maliq, që lidh Gramshin me njësitë administrative Gore dhe Moglicë të bashkisë Maliq po rikonstruktohet nga Autoriteti Rrugor Shqiptar (ARRSH).
Në një prononcim për ATSH-në, kryetari i bashkisë Maliq, Gëzim Topçiu u shpreh se “janë dëmtuar këmbët e kësaj ure dhe ARRSH nëpërmjet kompanisë së mirëmbajtjes 2T është në procesin e rehabilitimit”.
Ai u shpreh se deri tani është betonuar këmba e sipërme, ku u hodhën rreth 40 m3 beton, ndërsa aktualisht po punohet në pjesën e poshtme, ku po ndërtohen mure mbajtës.
Topçiu tha për ATSH-në se “dëmtimi i urës, por jo vetëm, ka ardhur nga mjetet e tonazhit të rëndë që lëvizin për në HEC-in e Moglicës”.
“Këto mjete kanë shkatërruar edhe segmentin e rrugës që lidh Maliqin me Gramshin”, tha ai.
/r.e/
