Mjekët e Shkodrës në protestë, Spahia: Koha për solidaritet

TIRANË,12 Mars /ATSH/ – Ish-deputeti i Partisë Demokratike, Bardh Spahia ka kërkuar sot vëmendje për mjekët.

Mjekët e Shkodrës kanë protestuar sot kundër dhunës që ushtrohet ndaj bluzave të bardha.

“Solidaritet me kolegët mjekë të Shkodrës. Kërkesat e kushtet i kanë të njëjta. Mjekët përballen me pasiguri në punë, kushte jo të përshtatshme, dhënie e marrje shërbimi, mungesa në ilaçe e materiale, dhe pagë modeste për profesionin që ushtrojnë. Shtoji këtyre edhe korrupsionin përmes PPP-ve e paaftësinë e të përzgjedhurve për të bërë politikat e duhura, figura e mjekut po bëhet më vulnerabël, pasi mbetet kontakti i vetëm direkt me pacientin. Vëmendje për mjekët”, është shprehur Bardh Spahia.

/gj.mima/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.