PEKIN, 11 mars /ATSH-AFP/ – Kina u kërkoi sot kompanive ajrore kineze pezullimin e fluturimeve të ”Boeing 737 MAX 8”, pas rrëzimit një ditë më parë të avionit me të njëjtin model i ‘’Ethiopian Airlines’’ i cili kryente linjën mes Addis Abebas dhe Nairobit.
”Përdorimi i tyre do të rinisë pas konfirmimit nga autoritetet amerikane dhe nga ‘Boeing’ i masave të marra për të garantuar me efikasitet sigurinë e fluturimeve”, njoftoi Zyra kineze e Aviacionit Civil në një komunikatë.
Duke cituar rrëzimin të dielën dhe atë të një avioni tjetër të kompanisë indoneziane ”Lion Air” në tetor, ai sqaroi se masa e pezullimit do të hynte në fuqi të hënën në orën 18:00 sipas asaj kineze (10:00 GMT).
Për herë të dytë në pak muaj, një ”Boeing 737 MAX 8” u rrëzua disa minuta pas ngritjes nga pista, duke ngritur pikëpyetje të reja mbi fillimet e këtij avioni, një model i rëndësishëm për prodhuesin amerikan./ / v.b/ a.jor.
