TIRANË, 21 shkurt/ ATSH/- Banorët e zonës së Unazës së Re i janë bashkuar sot protestës së opozitës.
Me pankarta në duar, banorët nisën marshimin nga Unaza e Re në drejtim të Kuvendit të Shqipërisë për t’iu bashkuar protestuesve të tjerë para parlamentit.
Banorët e Unazës së Re prej më se tre muajsh protestojnë pasi kundërshtojnë shembjen e banesave të tyre, të cilat preken nga projekti i Unazës së Madhe.
Protesta e sotme e opozitës vjen pas vendimit për djegien e mandateve në Kuvend, gjë që ka sjellë reagim të gjerë ndërkombëtar. /k.s/j.p/
