BRUKSEL, 31 dhjetor /ATSH-ANSA/- Njëzet vjet që nga futja e euros në fuqi, zyrtarët e lartë të BE kanë vënë në pah rëndësinë e monedhës së përbashkët të Europës duke e quajtur atë “një simbol të unitetit, sovranitetit dhe stabilitetit”.
“Euroja është bërë një simbol i unitetit, sovranitetit dhe stabilitetit”, tha presidenti i Komisionit Europian Jean-Claude Juncker, i cili ishte midis atyre që nënshkruan për monedhën e përbashkët të BE.
“Kjo ka qënë firma më e rëndësishme që kam hedhur’’, shtoi ai, sipas një deklarate.
“Nuk mund të ketë dyshime për vullnetin tonë politik, por ne duhet të jemi të përgatitur për atë që e ardhmja mund të na sjellë”, shtoi Juncker.
Euro u bë monedhë zyrtare e 11 vendeve anëtare të Bashkimit Evropian më 1 janar 1999, duke mundësuar pagesa me çek, kartë krediti dhe transferime bankare në monedhë, ndërsa monedhat dhe kartëmonedhat euro u futën në qarkullim në vitin 2002.
Euroja është e përdorshme për 340 milionë banorë të 28 shteteve anëtare, duke e bërë atë monedhën e dytë më të rëndësishme në botë pas dollarit amerikan.
Rreth 60 vende të tjera në mbarë botën përdorin gjithashtu euron ose kanë lidhur monedhat e tyre me të./ /os/ a.jor.
