TIRANË, 28 dhjetor/ATSH/ – Në prag të festave të fundvitit, bashkia e Shkodrës po ndihmon familjet në nevojë me pako ushqimore, për t’i bërë festat më të ngrohta.
Shpërndarja ka nisur në Qendrën Komunitare “Për Familjen” nr. 4 ku kanë përfituar pako 100 familje në nevojë, ndërsa shpërndarja do të shtrihet në të gjithë territorin e bashkisë së Shkodrës, në qytet dhe njësitë administrative.
Solidariteti, përtej moshës e etnisë, fesë apo bindjeve të tjera i bën festat e fundvitit akoma më të bukura. /a.g/
