MONTREAL- Lirim me kusht për shefen e Huawei

MONTREAL, 12 dhjetor /ATSH-DPA/ –  Një gjykatë kanadeze liroi me kusht Meng Wanzhou, kryefinancieren e gjigantit kinez të telefonisë, Huawei, pas një seance treditore në Vankuver.

Meng, e cila është gjithashtu bija e themeluesit të kompanisë, Ren Zhengfei, u urdhërua të depozitojë një garanci prej 10 milionë dollarësh kanadezë (7,47 milionë dollarë amerikanë) .

Meng do të duhet të dorëzojë pasaportat e saj dhe gjithashtu të respektojë shumë kushte të vendosura nga gjykata.

Meng, e cila u arrestua në Vankuver me kërkesë të autoriteteve amerikane, do të lejohet të lëvizë vetëm brenda një zone të përcaktuar të qytetit.

Ajo mund të përballet me ekstradimin në SHBA lidhur me akuzat se ishte përfshirë në shkeljen e sanksioneve ndaj Iranit, një akuzë që parashikon një dënim maksimal prej 30 vjetësh burg.  /os/ a.jor.