MOSKË, 28 nëntor /ATSH-AFP/ – Presidenti rus, Vladimir Putin, prezantoi sot shkëputjen e Rusisë nga monedha amerikane, e pashmangshme në tregtinë botërore, si një nevojë për ekonominë ruse, e shënjestruar prej shumë vitesh nga sanksionet amerikane.
“Ne nuk kemi si objektiv që të largohemi nga dollari. Por është dollari që po largohet nga ne”, deklaroi Vladimir Putin gjatë një forumi mbi investimet në Moskë.
“Ne duhet ta bëjmë. Dhe ju garantoj që do e bëjmë”, shtoi ai.
Autoritetet ruse prej shumë kohësh kanë përmendur, pa rezultate madhore, projektin e guximshëm për “çdollarizimin” e ekonomisë së vendit duke rritur përdorimin e monedhave të tjera në transaksionet kombëtare. /G.S/
