TIRANË, 21 nëntor/ATSH/- Këshilli i Ministrave me propozimin e Kryeministrit Edi Rama vendosi sot që 30 nëntori për punonjësit e administratës shtetërore të jetë ditë pushimi.
Sipas vendimit të Këshillit të Ministrave dita e punës, e datës 30.11.2018, do të zëvendësohet në një nga ditët e pushimit brenda këtij viti.
Për zbatimin e këtij vendimi ngarkohen institucionet e administratës shtetërore.
Ky vendim hyn në fuqi menjëherë dhe botohet në “Fletoren zyrtare”.
Për shkak se 28-29 Nëntori përkojnë të mërkurën dhe të enjten, tashmë edhe e premtja e kësaj jave do jetë pushim. /k.s/ /a.g/
