UASHINGTON, 19 nëntor /ATSH-ANSA/ – Presidenti amerikan, Donald Trump ka akuzuar William H. McRaven, admiralin në pension të skuadrës ushtarake ”Navy Seal”, në krye të operacioneve që çuan në vrasjen e terroristit Osama bin Laden, se kreu i rrjetit terrorist al-Kaeda mund të ishte kapur më parë.
“Nuk do të ishte mirë ta kapnit Osama bin Ladenin pak më parë?”, ka theksuar presidenti, duke pohuar se kreu i rrjetit terrorist jetonte në Pakistan në një rezidencë të bukur afër akademisë ushtarake.
“Të gjithë në Pakistan e dinin që ai ishte atje, edhe McRavem, fan i Hillary Clintonit dhe mbështetës i Barak Obamës’’, ka shtuar Trump në një intervistë për FoxNews./ /os/ a.jor.
