PARIS, 5 nëntor /ATSH-AFP/ – Media nuk është një investim ekonomik për mua, është më tepër një angazhim qytetar, u shpreh për gazetën ‘’Echos’’ miliarderi çek, Daniel Kretinsky, pasi përfshirja e tij si aksioner në kapitalin e së përditshmes franceze ‘’Le Monde’’ ka ngjallur polemika.
‘’Besoj se media është thelbi për ruajtjen e vlerave tradicionale të demokracisë liberale. Nëse investojmë në këtë sektor, kjo ndodh pasi jam shumë i lidhur me vlerat e shoqërisë sonë dhe rrjedha që ajo po merr sot më frikëson”, justifikoi ai këtë vendim.
‘’Shikoni sondazhin në Sllovaki në zgjedhjet legjislative të dy viteve më parë. Dy të tretat e të rinjve të intervistuar deklarojnë se votuan neonazistët apo populistët… Unë kam lindur në periudhën e sistemit komunist, unë e njoh çmimin e lirisë”, shtoi ai.
”Sot individët të cilët informohen vetëm nga sistemet informatike nuk janë mjaftueshëm të armatosur për të kuptuar në kompleksitetin e tyre sfidat shoqërore, ekonomike dhe politike. Roli i medias për këtë arsye është i rëndësishëm në këndvështrimin tim”, argumenton Kretinsky./ /v.b/ a.jor.
