TIRANË, 10 tetor/ATSH/ – Rruga Fushë-Krujë – Thumanë, që lidh Mamurrasin, Laçin, superstradën Lezhë–Shkodër dhe “Rrugën e Kombit”, do të ulë ndjeshëm trafikun e rënduar në superstradën Fushë-Krujë – Shkodër dhe do të lehtësojë aksesin në shërbime e tregje për 50 mijë banorë të kësaj zone.
Deri tani janë realizuar 48 % e punimeve. Investimi po zbatohet nga Fondi Shqiptar i Zhvillimit për llogari të qeverisë shqiptare në kuadër të programit “Rehabilitimit të Rrugëve Prioritare”.
Ky investim vjen në vazhdën e projekteve të tjera të zbatuara nga FSHZH në akset Thumanë – Laç – Milot dhe Fushë-Krujë – Bypass, tashmë të përfunduara.
Segmenti Thumanë – Fushë-Krujë lehtëson lidhjen e veriut të Shqipërisë dhe Kosovën me aeroportin “Nënë Tereza” dhe portin e Durrësit.
/k.s/j.p/
