LONDËR, 23 gusht /ATSH-ANSA/ – Nëse do të falimentojnë negociatat mbi Brexit dhe Britania e Madhe do të dalë nga Bashkimi Europian pa një marrëveshje, qeveria e Londrës është duke përpunuar një manual adresuar kompanive se si të përballen me mijëra probleme që mund të lindin.
Ministri i Brexit, Dominic Raab, e përcaktoi udhëzuesin si një “praktikë të synuar” dhe vuri në dukje se përparësia e tij është të arrijnë një marrëveshje të mirë me Brukselin.
Parashikohen vështirësitë e të gjitha llojeve, nga problemet me prokurimet doganore të barnave, nga tarifat pagesa shtesë për kartat e kreditit në vendet e BE, nga vështirësitë e hapjes së llogarive bankare në Britaninë e Madhe e deri te britanikë që banojnë jashtë vendit.
Manuali ka për qëllim ndihmesën në botën e financave, në farmaceutikë, fermerët, tregtarët, por edhe për qytetarin, punonjësin ose pensionistin e thjeshtë./ /os/ a.jor.
