ANKARA, 17 gusht /ATSH-AFP/ – Turqia do të kundërpërgjigjet nëse SHBA-ja do të vendosë sanksione të reja, njoftoi sot ministrja turke e Tregtisë, ndërsa Uashingtoni kërcënon se do të ashpërsojë sanksionet nëse Ankaraja nuk liron pastorin amerikan.
Ruhsar Pekcan, e cituar nga agjencia shtetërore turke e lajmeve, AA, deklaroi se ”kemi reaguar ndaj sanksioneve amerikane në përputhje me rregullat e OBT-së dhe do të vijojmë ta bëjmë një gjë të tillë”.
Arrestimi prej një viti e gjysmë në Turqi më pas masa e lëshuar arrest shtëpie i pastorit Andrew Brunson, i akuzuar për spiunazh dhe aktivitete ‘’terroriste’’ shkaktoi një krizë të rëndë diplomatike midis Ankarasë dhe Uashingtonit./ /v.b/ a.jor.
