TIRANË, 16 gusht/ATSH/- Femërore, por jo shumë. Kjo do të jetë xhaketa më e bukur e grave për dimrin e ardhshëm 2018-2019. Trendi është i qartë dhe i dukshëm në pasarelat e modës, që fillojnë të na frymëzojë nga çadra e plazhit për kthimin tonë në punë dhe në qytet.
Të gjitha e dimë, që deti është bërë për t’u çlodhur dhe për të filluar të ëndërrosh veshjet e reja të vjeshtës, të cilat do të jenë rreptësisht të çmendura dhe në përputhje me trendet më cool që shihen në sfilatat e modës.
Dhe diktati i parë i modës së sezonit është padyshim ky: përsëri xhaketë sportive. Dhe me të drejtë! Xhaketat janë prioriteti i veshjeve tona, thelbësore për të përballuar me stil ardhjen e vjeshtës.
Dhe në krahasim me të gjitha veshjet e tjera të dimrit, të tilla si palltot, peliçet, janë ato që me siguri do të shohim nën çadër.
Fjalëkalimi: rifreskohuni! Duke hedhur një vështrim në pjesët më të freskëta nga pasarelat për të zgjedhur më përpara (dhe me syrin e djathtë) xhaketat tuaja të ardhshme të vjeshtës.
Xhaketa e kësaj vjeshte do të jetë elegante si ajo e (Emporio Armani) ose do të frymëzohet nga bota mashkullore duke vjedhur motive nga (Gucci), fantazitë e (Calvin Klein) dhe efektet e (Tom Ford).
Ajo do të jetë e gjatë dhe extra large për të vazhduar një trend që kemi njohur dhe dashur në sezonet e kaluara. Madje edhe përsa i përket ngjyrave do të keni vetëm vështirësinë e zgjedhjes.
Tone të ngrohta dhe natyrale si ato të vjeshtës ose ngjyra energjike për të përballuar kthimin në qytet si e verdha limon, e kuqja, roza e ndezur, etj. Këto xhaketa tashmë ju bëjnë që të doni “shtatorin”./k.s/
