TIRANË, 11 Korrik /ATSH/ – Komuniteti shqiptar në Molise të Italisë ishte në qendër të diskutimeve që zhvilloi Ministri i Shtetit për Diasporën, Pandeli Majko me presidentin e këtij rajoni, Donato Toma.
Në takimin miqësor të zhvilluar në zyrën e Ministrit Majko, Toma bëri të ditur se komuniteti shqiptar që jeton atje është mjaft i integruar.
Ai u shpreh i gatshëm për iniciativa e projekte të përbashkëta, që do të shërbejnë për zhvillimin e mëtejshëm të komunitetit shqiptar dhe ruajtjen e identitetit.
Ndërkaq, Ministri u ndal tek nevoja e përfshirjes së gjuhës shqipe në programin shkollor dhe theksoi rëndësinë e shkëmbimit të eksperiencave më vendin fqinj, sa i përket emigracionit.
/gj.mima//m.m/
