Subashiç: Aq i lumtur, sa nuk marr dot frymë

ROMË, 2 korrik  /ATSH-ANSA / – Ju lutem më lejoni të marr frymë, duhet të marr frymë, sa emocion, jam shumë i lumtur, ishin fjalët e para të heroit të ndeshjes ndërmjet Kroacisë dhe Danimarkës, portierit Subashiç, ndërkohë që nga ana tjetër shihej zhgënjimi i ‘’njeriut të ndeshjes’’, portierit se Danimarkës, Schmeichel.

“Çfarë mund të them, pritni  një moment, siç themi gjithmonë, penalltitë janë një lotari, por jam i lumtur që e kam dhënë këtë fitore popullit tim dhe gjithë Kroacisë”, tha Subashiç.

Schmeichel gjithashtu ka pritur tri penallti, një gjatë ndeshjes dhe dy në fund, por të pamjaftueshme për fitoren e Danimarkës.

”Në këtë moment kam një ndjesi të çuditshme, kam një zhgënjim të madh për mënyrën e përfundimit të saj kjo sfidë, nga ana tjetër ka një krenari të madhe për performancën. Ne kemi pasur shumë mundësi në pjesën e dytë dhe kemi luajtur shumë më mirë se ata. Tani është shumë e vështirë për të vënë të gjitha emocionet në kontekstin e duhur, megjithatë, më vjen shumë keq për tifozët tanë”, theksoi ai./ /os/ a.jor.

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.