PRISHTINË, 25 qershor/ATSH/.- Presidenti i Kosovës, Hashim Thaçi, ka përgëzuar homologun e tij turk Recep Tayyip Erdogan me rastin e fitores në zgjedhjet e djeshme presidenciale në Turqi.
“Urime presidentit të Turqisë, Erdogan – Takbir ederiz! Pres vazhdimin e mirë të bashkëpunimit tonë të mirë ndërmjet Kosovës dhe Turqisë. Dy vendet janë aleatë strategjikë në të gjitha sferat”, shkruan Thaçi në Twitter.
Presidenti i Republikës së Turqisë, Recep Tayyip Erdoğan ka shpallur fitoren e tij në zgjedhjet presidenciale. Pas numërimit të mbi 95% të kutive të votimit, Erdogan ka marrë 52,67% të votave. /k.s/
