Serbia dhe Zvicra përballje të ashpër mbrëmjen e sotme

TIRANË, 22 Qershor/ATSH/ -Takimi i mbrëmjes së sotme do të luhet në orën 20:00 në Kaliningrad Stadium.

Serbia pret Zvicrën në një duel shumë interesant dhe që mund të përcaktojë shumë për fatet e skuadrave që do të kualifikohen në grupin.

Shqiptarët e Zvicrës, Xhaka, Shaqiri, Dzemaili dhe Behrami pas barazimit heroik ndaj Brazilit sot do të sfidojnë serbët me shpresën për të marrë fitoren e parë, në një ndeshje që gjithsesi parashikohet shumë e ashpër, por që në fund gjithsesi do të triumfojë futbolli i luajtur. Behrami pasi frenoi Neymarin ka patur disa probleme dhe është në dyshim të madh për këtë sfidë.

E plotë Serbia që pas fitores ndaj Kosta Rikës do të mbështet sërish te veteranët, Kolarov e Ivanovic dhe tek të rinjtë premtues Milinkovic-Savic e Mitrovic për t’i vendosur shkopinjtë nën rrota përfaqësueses helvete dhe për të siguruar që sot kualifikimin.

/gj.m/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.