MOSKË, 20 qershor /ATSH-AFP/ – Presidenti rus, Vladimir Putin nuk ka mundur ta ndjekë ndeshjen që shënoi triumfin e Rusisë përballë Egjiptit (3-1), theksoi sot Kremlini.
“Fatkeqësisht, presidenti nuk e ka parë ndeshjen. Ai ishte në avionin që po e kthente nga Minsku në Moskë pas një takimi me presidentin bjellorus, Alexandre Lukashenko”, theksoi zëdhënësi i Kremlinit, Dmitri Peskov.
“Por, menjëherë pas mbërritjes së avionit në Moskë, e kanë njoftuar për rezultatin e kësaj ndeshjeje”, theksoi ai.
Rusia mundi dje Egjiptin me rezultatin (3-1) në ndeshjen e dytë të Grupit A të Botërorit 2018, në Shën Petërburg.
“Kjo është një fitore shumë e shtrenjtë për ne, një fitore që na ka gëzuar shumë. Edhe presidenti gjithashtu është mrekulluar”, nënvizoi Peskov.
Bëhet fjalë për fitoren e dytë radhazi për skuadrën ruse. Të enjten Rusia mundi me një rezultat të thellë Arabinë Saudite (5-0), gjatë ndeshjes së hapjes së Botërorit./ /ec/ a.jor.
