PARIS, 14 qershor /ATSH-AFP/ – Presidenti francez konfirmoi sot mbajtjen e një takimi, të parashikuar për nesër në Paris, me kryeministrin italian, Giuseppe Conte pas një bisede telefonike të zhvilluar dje në mbrëmje gjatë të cilës Emmanuel Macron theksoi se nuk kishte bërë asnjë deklaratë ofensive që prek Italinë dhe popullin italian.
“Gjatë kësaj bisede ku ata diskutuan për situatën e anijes ‘Aquarius’ dhe pozicionet e tyre, ata vlerësuan se Italia dhe Franca duhet të thellojnë bashkëpunimin dypalësh dhe europian për të zhvilluar një politikë migratore efikase me vendet e origjinës dhe të tranzitit”, theksoi Elizeja në një komunikatë.
“Ata ranë dakord gjithashtu, në pritje të Këshillit Europian në fund të qershorit, se iniciativa të reja janë të nevojshme dhe duhet të diskutohen së bashku”, thuhet në këtë komunikatë të presidencës franceze. /G.S/ a.jor.
