PARIS, 15 maj /ATSH-AFP/ – Prodhimi i Brendshëm Bruto (PBB) i Francës regjistroi rritje me 2,2% në 2017, sipas shifrave të rishikuara në rritje nga INSEE, një lajm i mirë për presidentin francez, Emmanuel Macron, i cili kërkon ta bëjë vendin e tij më të konkurrueshëm.
INSEE (Instituti Kombëtar i Statistikave dhe Studimeve Ekonomike) kishte parashikuar një rritje deri në 2%.
“Ky vlerësim i ri ka ardhur si pasojë e një rishikimi në rënie të lehtë të përqindjes së borxhit publik (-0,2 pikë duke arritur në 96,8%)”, nënvizon INSEE në rishikimin e llogarive kombëtare 2015-2017.
Megjithatë deficiti publik mbetet i pandryshuar me 2,6% të PBB-së.
Sipas një vlerësimi të mëparshëm të publikuar në fund të muajit janar, INSEE e kishte vlerësuar me 1,9% ritmin e rritjes së regjistruar nga ekonomia e dytë e zonës euro në 2017, para se të regjistronte këtë shifër në rritje në muajin shkurt, prej 2%.
Për vitin 2017, deficiti publik është konfirmuar me 2,6% të PBB-së./ /ec/ a.jor.
