ROMË, 8 maj /ATSH-DPA/ – Një autobus i trasportit publik ka marrë flakë sot, në qendër të Romës, duke provokuar panik te njerëzit, të cilët i trembeshin më shumë një sulmi terrorist.
‘’Autobusi mori flakë në rrugën ‘Tritone’, pranë shatërvanit të Trevit, një vend i rëndësishëm i Romës, rreth ores 10:30’’, shkruajti në Twiter Shërbimi Kombëtar i Zjarrfikësve.
”Pasagjerët dhe shoferi u evakuan, ndërsa një grua që po kalonte aty mori plagë të lehta dhe u shoqrëua në spital’’, theksoi agjencia italiane e lajmeve, ANSA.
Një dëshmitare, e cila nuk donte të identifikohej, tha se u dëgjua një zhurmë e fortë dhe një re tymi si dhe persona që ulërinin dhe vraponin.
Shoqëria ATAC, që ofron shërbimin publik, tha se autobusi ishte në përdorim prej 15 vjetësh dhe se do të hetonte shkakun e aksidentit./ /os/ a.jor.
