Ballkoni panoramik, atraksioni më i ri turistik që i shtohet Vlorës
Ballkoni panoramik, atraksioni më i ri turistik që i shtohet Vlorës https://ata.gov.al/2018/04/17/ballkoni-panoramik-atraksioni-me-i-ri-turistik-qe-i-shtohet-vlores/E quajtur si “Qyteti i flamurit’’, “qyteti me dy dete” apo “porti jugor i Adriatikut’’ Vlora konsiderohet si perla e turizmit shqiptar, me brigjet e saj, Karaburunin, Sazanin, Llogoranë, kalanë e Kaninës, Lagunën e Nartës, plazhet e shumtë, monumentet, njerëzit, prodhimet e tokës dhe të detit.
Posted by Agjencia Telegrafike Shqiptare on 17.04.2018
TIRANË, 17 prill /ATSH/- Ballkoni panoramik është atraksioni më i ri turistik që i shtohet qytetit të Vlorës.
I pozicionuar pranë zonës së Ujit të Ftohtë, Ballkoni i Vlorës është i orientuar nga perëndimi dhe prej aty çdo vizitor ka mundësinë të ketë një pamje të plotë të Lungomares dhe të gjithë gjirit të Vlorës.
Pas përfundimit të projektit ‘Lungomare’, rikonstruksionit të ‘Transballkanikes’, unazës së qytetit, rrugës ‘Dhimitër Konomi’ dhe shesheve publike, Fondi Shqiptar i Zhvillimit është duke zbatuar projektin e rikonstruksionit të bulevardit “Ismail Qemali” dhe rikonstruksionin e rrugës së Kaninës.
Ndërkohë është drejt përfundimit rruga e Pyllit të Sodës, që e transformon këtë zonë dikur të lënë pas dore në një në një hapësirë të re turistike.
Vlora është një nga qytetet më të bukur të Shqipërisë që ndodhet në Jugperëndim të vendit përgjatë bregdetit të ulët të Adriatikut dhe atij shkëmbor të Jonit.
E quajtur si “Qyteti i flamurit’’, “qyteti me dy dete”, apo “porti jugor i Adriatikut’’ Vlora konsiderohet si perla e turizmit shqiptar, me brigjet e saj, Karaburunin, Sazanin, Llogoranë, kalanë e Kaninës, Lagunën e Nartës, plazhet e shumtë, monumentet, njerëzit, prodhimet e tokës dhe të detit. e,xh/ /a.g/
Sipas Ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar Agjencinë Telegrafike Shqiptare.
