PEKIN, 3 prill /ATSH-AFP/ – Shefi i diplomacisë koreanoveriore ndodhet aktualisht në Kinë, ku do të takohet me homologun e tij kinez, Wang Yi, njoftoi sot Ministria kineze e Punëve të Jashtme.
“Ri Yong Ho mbërriti sot në Pekin”, njoftoi Geng Shuang, një zëdhënës i ministrisë, gjatë një konference për shtyp.
Ardhja e tij vjen vetëm pak ditë pas vizitës në Kinë të liderit të Koresë së Veriut, Kim Jong Un dhe më pak se katë javë nga një samit historik i parashikuar mes dy Koreve./ /G.S/ a.jor.
