ROMË, 23 mars /ATSH-AFP/ – Italia nuk ka asnjë interes që të humbas trenin e reformave aktuale që po diskutohen në Bashkimin Europian (BE), paralajmëroi sot në Romë ministri gjerman i Punëve të Jashtme, Heiko Maas.
“Tani duhet të diskutojmë për reformat që janë paraqitur nga Juncker dhe Macron. Dhe është në interesin tonë që Italia të jetë e pranishme”, deklaroi ai gjatë një konference për shtyp në përfundim të një takimi me homologun e tij italian Angelino Alfano.
“Italia është një aktor i rëndësishëm në BE”, theksoi ai.
Ministri italian, që i përket një qeverie të përkohshme pas zgjedhjeve të 4 marsit, nga ana e tij u përpoq të garantojë kolegun gjerman mbi angazhimin europian të vendit të tij./G.S/
