LONDËR, 15 mars /ATSH-ANSA/ – Britania e Madhe do të ndërtojë një qendër mbrojtjeje kundër armëve kimike për t’u mbrojtur nga kërcënimi në rritje i Rusisë dhe Koresë së Veriut, raportoi BBC online.
Sipas BBC-së, ministri britanik i Mbrojtjes, Gavin Williamson do të njoftojë sot planet për ndërtimin e qendrës, një investim prej 54 milionë eurosh.
Qendra do të vendoset në Porton Down, në Wiltshire, ku ndodhet selia e Laboratorit të Teknologjisë dhe Shkencës së Mbrojtjes, agjenci e kërkimeve shkencore dhe teknologjike e Ministrisë britanike të Mbrojtjes.
Shkencëtarët e Porton Down, vetëm rreth 13 kilometra në verilindje të Salisbury, qyteti ku ish-agjenti rus, Sergei Skripal dhe vajza e tij ishin helmuar, dhanë kontributin e tyre për të kryer identifikimin e agjentit nervor të përdorur në sulmin ndaj Sergei dhe Yulia Skripalit./ /a.i/ a.jor.
