TIRANË, 14 dhjetor/ATSH/ Kryetarja e bashkisë së Durrësit, Emiriana Sako zhvilloi sot një takim me përfaqësues të Bankës Botërore (IBRD dhe IFC) mbi mundësitë e bashkëpunimit në fushën e lëvizshmërisë së qëndrueshme.
Në takim ishin të pranishëm Ramon Munoz-Raskin përfaqëues i IBRD, Emiljano Zhuleku koordinatori i BB për Shqipërinë, Mark Finer ekspert i BB dhe Artan Guxho ekspert i transportit publik.
Sako shprehet se “gjatë takimit u ndalëm në evidentimin e nevojave të qytetit të Durrësit për të adresuar më mirë lëvizshmërinë e qëndrueshme: modernizimin e transportit publik, ndërtimin e të tjera korsive të biçikletave, hapësira të reja të parkimit për biçikleta”.
Sipas Sakos u diskutua edhe mbi mundësitë e mbështetjes teknike dhe financimit të projekteve konkrete mbi lëvizshmërinë e qëndrueshme.
“Bashkëbiseduam edhe për projektet e ardhshme të bashkisë së Durrësit për ndërtimin dhe rikualifikimin e rrugëve përfshirë përmirësimin e transportit publik dhe pistave të biçikletave”, tha Sako.
/k.s/a.a/r.e/
