TIRANË, 1 nëntor /ATSH/ Autoriteti Kombëtar i Ushqimit (AKU) ka kryer sot 146 kontrolle dhe monitorime në të gjithë vendin në operatorë të biznesit ushqimor, si furra buke, përpunim ambalazhim vaj ulliri, stabiliment veze, baxho, fabrikë vaji, thertore, kopshte dhe çerdhe, etj.
Sipas AKU-së, gjatë kontrolleve zyrtare, në operatorët e biznesit janë dhënë 37 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 1 gjobë për mungesë të sistemit të gjurmueshmërisë së produktit.
“Referuar planit vjetor të marrjes së mostrave me bazë risku janë marrë 18 mostra për analizim të treguesve fiziko-kimikë në produkte ushqimore të ndryshme”, njofton AKU.
/a.a/r.e/
