UASHINGTON, 16 gusht /ATSH-DPA/ – SHBA-ja përfundoi evakuimin e ambasadës në Kabul, konfirmoi Departamenti amerikan i Shtetit.
”I gjithë personeli i ambasadës ndodhet në aeroportin e Kabulit, i cili është siguruar nga ushtria amerikane”, tha departamenti.
Nuk është e qartë se cili dhe sa personel do të qëndronte në Kabul.
Departamenti amerikan i Mbrojtjes tha më herët se forcat amerikane kishin marrë kontrollin e trafikut ajror në aeroportin e Kabulit dhe po ndihmoheshin nga afganët.
”Trafiku ajror komercial po vazhdon, por ka ndërprerje dhe vonesa”, tha zëdhënësi John Kirby.
Sipas raporteve të medias, flamuri amerikan është hequr nga kompleksi i ambasadës.
Departamenti i Shtetit tha në fund të javës së kaluar se ndërsa stafi i ambasadës po zvogëlohej në minimum, ata nuk po evakuoheshin plotësisht – por kjo ndryshoi pasi militantët talebanë marshuan në Kabul gjatë fundjavës./ a.jor.
