SIDNEJ, 29 qershor /ATSH-DPA/ – Për shkak të përhapjes së variantit Delta të koronavirusit në Australi, gjithnjë e më shumë pjesë të vendit duhet të bllokohen.
”Më shumë se 10 milionë nga një popullsi totale prej 25 milionë banorësh janë tani të prekur nga ora policore”, sipas gazetave australiane.
Pas Sidneit, në bregun lindor, dhe Darvinit në veri, disa raste të reja janë raportuar gjithashtu në Perth.
”Rajonet e tjera në Queensland, të cilat tërhoqën turistë nga e gjithë bota para pandemisë, gjithashtu do të duhet të shkojnë në izolim deri të premten, duke përfshirë Gold Coast, Townsville dhe Noosa”, njoftoi qeveria rajonale.
Australia ka kohë që kërkon të mbajë virusin nën kontroll përmes rregullave jashtëzakonisht të rrepta dhe gjurmueshmërisë së saktë të kontaktit. /os/
