TIRANË, 21 maj /ATSH/ Sot është Dita Botërore e Diversitetit Kulturor.
Kreu i delegacionit të Bashkimit Europian në Tiranë, ambasadori Luigi Soreca u shpreh sot se “do të vazhdojmë të promovojmë dhe ruajmë më tej trashëgiminë e madhe kulturore që Europa, përfshirë Shqipërinë, ka për të ofruar”.
Ai shtoi se kjo është gjithashtu ambicia e programit “EU4Culture” në Shqipëri.
“Ndërsa hapim shoqëritë tona si pjesë e rimëkëmbjes socio-ekonomike post-Covid-19, ne do të vazhdojmë të promovojmë dhe ruajmë më tej trashëgiminë e madhe kulturore që Europa, përfshirë Shqipërinë, ka për të ofruar. Kjo është gjithashtu ambicia e programit EU4Culture në Shqipëri”, u shpreh sot Soreca në një postim në rrjetet sociale.
Soreca ka shpërndarë edhe një postim të BE ku theksohet se, “Europa është e pamendueshme pa pasurinë e saj kulturore. BE është e përkushtuar për të ruajtur dhe promovuar kulturën, dhe për ta bërë atë të arritshme për të gjithë, si në BE dhe globalisht”. /j.p/r.e/
