TIRANË, 21 maj /ATSH – I. Vata/ Stafi i Ministrisë së Drejtësisë iu bashkua sot nismës së Kryqit të Kuq Shqiptar për dhurimin e gjakut, nën moton se dhurimi i gjakut është akti më fisnik dhe human për të shpëtuar jetë.
“Një vit i vështirë, por dhurimi i gjakut është akti më fisnik dhe human që secili nga ne duhet të bëjë për të shpëtuar jetë dhe sidomos në situatën aktuale, ku për shkak të pandemisë Covid-19 nevojat për gjak janë edhe më të rritura”, shprehet ministrja Gjonaj duke përshëndetur nismën.
Njësia lëvizëse e Kryqit të Kuq Shqiptar ishte në mjediset e Ministrisë, ku drejtuesit dhe i gjithë stafi u bashkuan në ndihmë të fëmijëve talasemikë në Shqipëri.
Sot Shqipëria ka rreth 600 fëmijë talasemikë që çdo tre javë kanë nevojë për një flakon gjak. /j.p/r.e/
