BRUKSEL, 19 maj /ATSH-DPA/ – Kreu i diplomacisë europiane, Josep Borrell bëri thirrje për “një fund të menjëhershëm të çdo dhune dhe zbatimin e një armëpushimi” midis izraelitëve dhe palestinezëve, pas një takimi urgjent të ministrave të Jashtëm të BE-së.
“Qëllimi është të mbrohen civilët dhe të lejohet hyrja e ndihmave humanitare në Gaza”, tha Borrell, duke theksuar se kjo deklaratë kishte mbështetjen e 26 prej 27 shteteve anëtare të Bashkimit Europian, por jo të Hungarisë.
Diplomati e konsideroi “si të papranueshme numrin e lartë të viktimave civile, përfshirë gratë dhe fëmijët”.
“Ne dënojmë sulmet me raketa nga Hamas dhe grupe të tjera terroriste në territorin e Izraelit dhe mbështesim plotësisht të drejtën e Izraelit për vetëmbrojtje (…) por kjo duhet të bëhet në një mënyrë proporcionale dhe duke respektuar ligjin ndërkombëtar humanitar”, shtoi ai.
Më në fund, ai tha se siguria e palestinezëve dhe izraelitëve “kërkon një zgjidhje të vërtetë politike”./ /ervo/
