UASHINGTON, 7 prill /ATSH-DPA/ – Duke pasqyruar kryesisht një rënie të madhe në vlerën e eksporteve, Departamenti i Tregtisë lëshoi sot një raport duke treguar se deficiti tregtar i SHBA u zgjerua më shumë sesa pritej në muajin shkurt.
“Deficiti tregtar u zgjerua në 71,1 miliardë dollarë në shkurt, nga 67,8 miliardë dollarë që u rishikua në janar”, tha Departamenti i Tregtisë.
Me rritjen më të madhe se sa pritej në shkurt, madhësia e deficitit tregtar të SHBA-së arriti kështu një rekord të ri.
Raporti tregoi një rënie të ndjeshme të eksporteve të mallrave kapitale, si edhe ulje të eksporteve në mallra të konsumit, ushqime, pije dhe automjete automobilistike bashkë me pjesët e tyre.
Uljet e ndjeshme të importeve të automjeteve dhe pjesëve të këmbimit, si edhe të produkteve farmaceutike u kompensuan pjesërisht nga një rritje e importeve të furnizimeve industriale dhe materialeve./ /ervo/
