KOPENHAGË, 2 shkurt /ATSH-DPA/ – Danimarka do të zgjasë kufizimet, që u kërkojnë udhëtarëve që hyjnë në vend, të paraqesin një arsye të mirë për udhëtimin e tyre dhe një test negativ COVID-19 të marrë në 24 orët e fundit, njoftoi sot Ministria e Transportit.
Shtyrja e masave do të zgjasë deri më 28 shkurt.
Ato janë pjesë e masave për të parandaluar përhapjen e mëtejshme të varianteve më ngjitëse të COVID-19 të zbuluar në BM dhe në Afrikën e Jugut.
“Ne duhet të mbajmë kufizimet aktuale në mënyrë që të kufizojmë përhapjen e infeksionit sa më shumë që të jetë e mundur”, tha ministri i Transportit, Benny Engelbrecht.
Testi nuk është i nevojshëm për fluturimet nga Groenlanda dhe Ishujt Faroe, territoret autonome që janë pjesë e Mbretërisë së Danimarkës.
Shtetasit danezë ende këshilloheshin të shmangnin të gjitha udhëtimet në vendet e huaja./ /ervo/
