BRUKSEL, 30 janar /ATSH-ANSA/ – WhatsApp do të ketë kohë deri më 15 maj për t’u dhënë përgjigje të qarta autoriteteve të BE-së për privatësinë mbi përditësimin e politikave për ndarjen e të dhënave me Facebook dhe për të informuar në mënyrë adekuate përdoruesit.
Javën e ardhshme komiteti i BE-së për privatësinë (EDPB) do të diskutojë çështjen e ngritur nga Garantuesi Italian i Privatësisë, i cili akuzoi WhatsApp për mungesë qartësie dhe transparence në mesazhet e dërguara përdoruesve, javët e fundit, për t’i informuar ata për lajmet mbi përpunimin e tyre të të dhënave.
Fillimisht, afati i fundit për marrjen e informacionit nga WhatsApp ishte caktuar për më 8 shkurt, ditën kur rregullat e reja të aplikacionit të mesazheve, në pronësi të Facebook, duhet të fillojnë të zbatohen.
Por, autoritetet e BE-së për privatësinë janë ende në dialog me rrjetin social dhe kanë vendosur të shtyjnë afatin. /os/
