LOS ANXHELES, 8 dhjetor /ATSH/ – Gjithçka është gati në shtëpitë e yjeve, me pemë spektakolare, tradicionale ose minimaliste, nga Kylie Jenner tek Chiara Ferragni, shkruhet në faqen e vanityfair.it.
Ishte Kylie Jenner ajo që filloi dekorimet: duke kërkuar pasionin e saj për shtëpinë e zbukuruar, tashmë në mes të nëntorit ajo përgatiti një pemë të madhe Krishtlindjesh në stilin minimalist në vilën e saj të madhe në Los Anxhelos.
Por, në realitet, ndoshta edhe për të zbutur atmosferën e pazakontë të kësaj Krishtlindjeje, shumë yje të tjerë e kanë zbukuruar shtëpinë për pushime paraprakisht.
Midis tyre Chiara Ferragni dhe Fedez: më shumë se një muaj para Krishtlindjes ata përgatitën një pemë plot drita që ndizet dhe fiket me smartphone që po e bën Leone-n e vogël edhe më të lumtur.
Të njëjtën gjë bëri edhe Alessia Marcuzzi e cila përgatiti pemën me vajzën e saj Mia, duke krijuar një moment të veçantë për ta: ata u veshën në të njëjtën mënyrë dhe e zbukuruan pemën si çdo vit me gjëra të vjetra dhe një të re.
Me ardhjen e vajzës së saj të vogël, Gigi Hadid gjithashtu u bë e madhe: ajo e shndërroi shtëpinë e saj në Pensilvani në “Vendin e Krishtlindjeve”.
”Pse të presësh një pemë kur mund të jesh pemë?”, theksoi Katy Perry, me ironinë e saj të zakonshme, në vend që të dekoronte shtëpinë, ajo zbukuroi veten si një pemë vezulluese.
Pema e Kris Jenner është shumë elegante, me dekorime të mëdha në formë karamele, të bardha dhe të kuqe: këtë vit ai do të shpjegojë se si ta dekoroni shtëpinë me stil në një përvojë të veçantë në internet. /os/
