RAMALLAH, 10 nëntor /ATSH-AFP/ – Sekretari i përgjithshëm i Organizatës për Çlirimin e Palestinës (OÇP) dhe një prej figuarave më të njohura në mbarë botën, Saëb Erakat vdiq sot si pasojë e COVID-19, në moshën 65-vjeçare, theksoi presidenca palestineze.
“I prekur nga fibroza pulmonare, Saëb Erakat vdiq para pak kohësh në spitalin Hadassah, të Jeruzalemit, ku ai ishte shtruar që prej 18 tetorit”, deklaroi i njëjti burim.
Spitali, që e pranoi me kërkesë të Autoritetit Palestinez, e cilësoi në atë kohë si sfidë faktin për t’u përkujdesur për Erakat për shkak të problemeve pulmonare.
“Ai mbërriti në gjendje të rëndë duke iu nevojitur një asistencë dhe doza të forta oksigjenit”, kishte theksuar spitali pas mbërritjes së tij.
Erakat, një prej personaliteve palestineze më të njohura jashtë vendit, jetonte në qytetin e Jerikos, në Cisjordaninë e pushtuar nga Izraeli dhe ku jetojnë rreth 2,8 milionë palestinezë./ /ec/
