Facebook Instagram X
English Francaise
Ballina Bota

ANGLI – Kufizimet antiCOVID-19 shtrihen gjerësisht

Nga
Axhencia Telegrafike Shqiptare
-

LONDËR, 21 tetor /ATSH-AFP/ – Rajoni i Jorkshajërit të Jugut do të përfshihet të shtunën në zonat me kufizimet më të rrepta në fuqi në Angli kundër koronavirusit të ri, në këmbim të një mbështetjeje financiare, njoftuan sot autoritetet lokale.

Ky rajon i veriut të Anglisë me 1,4 milionë banorë do të kalojë në nivelin e alarmit “shumë të lartë”, shkalla e fundit e një sistemi me tre nivele, vendosur nga ekzekutivi britanik.

Ai përfshin ndalimin për familjarë të ndryshëm të takohen, me përjashtime të rralla.

“Drejtuesit vendorë dhe unë kemi siguruar fonde prej 41 milionë sterlina (45 milionë euro) nga qeveria për të mbështetur banorët dhe bizneset”, theksoi Twitter Dan Jarvis, kryetari i bashkisë së Sheffield.

Vendi më i prekur në Europë nga pandemia e COVID-19 me rreth 44 000 të vdekur, Britania e Madhe reagoi për rritjen e kontaminimeve në mënyrë të lokalizuar ndonjëherë përfshirë nga tensionet mes Londrës dhe komuniteteve lokale.

Marrëveshja me Jorkshajërin e Jugut erdhi një ditë pasi kryeministri konservator, Boris Johnson njoftoi kufizime drastike në qytetin e Mançesterit (veriperëndim), pas disa ditësh bllokimi të pasuksesshëm me autoritetet lokale mbi përfitimet ekonomike./ /ec/

Sipas Ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar Agjencinë Telegrafike Shqiptare.
Artikulli paraprakAXHENDA NDËRKOMBËTARE 21/10/2020
Artikulli tjetërBULLGARI – E detyrueshme mbajtja e maskës në ambientet e jashtme

ARTIKUJ TË NGJASHËMMË SHUMË NGA AUTORI