MOSKË, 1 korrik /ATSH-AFP/ – Rusia miratoi sot rishikimin e gjerë kushtetues, që autorizon presidentin rus, Vladimir Putin, të qëndrojë në Kremlin deri në vitin 2036, një referendum i kritikuar nga opozita që e sheh atë si një manovër për të përjetësuar kontrollin e tij mbi vendin.
Rusët e votuan me 74,1% këtë bllok ndryshimesh, të cilat përveç çeshtjes së mandateve të presidentit në detyrë, përfshijnë edhe parimet e tij konservatore në Kushtetutë, sipas rezultateve që lidhen me gati 30% të vendvotimeve të shpërndara në territorin e madh rus dhe i lëshuar sot nga Komisioni Qendror i Zgjedhjeve.
Pjesëmarrja ishte rreth 65%.
Votimi, i planifikuar fillimisht për në prill, u shty për shkak të pandemisë COVID-19.
Për të shmangur turmat e tepërta në qendrat e votimit, ai u realizua gjatë një jave./ /ervo/
