HANOVER, 8 qershor /ATSH-DPA/ – Një 21-vjeçar nga qyteti gjerman Hildesheim po përballet me hetime, pasi kërcënoi në një forum në internet se do të vriste myslimanë gjermanë, njoftuan prokurorët federale.
”I dyshuari u frymëzua nga sulmuesi i xhamisë ‘Christchurch’ dhe iu referua të shtënave në mars 2019 në Zelandën e Re, ku u vranë 51 persona”, deklaruan prokurorët në qytetin verior, Celle.
”Në banesën e tij u gjetën armë si dhe dosje me përmbajtje ekstremiste”, shtuan ata.
Sipas një deklarate, kërcënimi në internet është bërë më 29 maj.
Megjithatë, i akuzuari mendohet se ka marrë në konsideratë një sulm me viktima masive, me qëllimin për të gjeneruar vëmendjen e medieve në të gjithë botën./ /sara/
